یک غزل گیلکی (لاهیجانی )که دوستان برای درست خواندن به وزن آن توجه کنند (مفاعلن فعلاتن فا--مفاعلن فعلاتن فا)

تی ورجه پرکشنابوم مو اگرکه بال وپری داشتم
فدانابوم تی قدمگاسر اگر که تاج وسری داشتم

بگیر می دسته ویجیگیرمه الون که قوت وجون دانی
چه سوداگرکه بگی فرده خداچه گوش کری داشتم ؟!

بنو به غیر تی مهر وتی صفا ومعرفته واسی
اگرکه یه زمت ایگل مو تی سمت وسونظری داشتم

می دوروبرجمابونابون همش می یاده گودن زاکون
اگرمونم میرچ وراسر درخت پرثمری داشتم

سیایی امره نبونابوم اسیرودربدروگمراه
می آسمونه مین اگرمو ستاره یاقمری داشتم

لگدنخوردنابوهرگز می سبزه زار وفتاشته باغ
اگرکه همته جی داس و ونوشونی وچپری داشتم

نوشونابو می نوشون ونوم تی یادوخاطراجی یکدم
می دس نبوبی اگرخالی کمی اگرهنری داشتم

محسن بافکرلیالستانی
نقل ازکتاب (گیلان مهر -تالیف فرض پورماچیانی -ص311)چاپ 90